کراچی: ٹریلر کی وین کو ٹکر،12 افراد زخمی
کراچی کی بولٹن مارکیٹ کے قریب ایک ٹریلر نے وین کو ٹکر مار دی جس کے نتیجے میں 12 افراد زخمی ہو گئے۔
پولیس کے مطابق حادثے میں خواتین اور مردوں کے علاوہ 4 بچے بھی زخمی ہوئے ہیں۔
متاثرہ افراد نے بتایا ہے کہ وہ لیاری میں منعقدہ شادی کی تقریب میں شرکت کے بعد وین کے ذریعے واپس ابراہیم حیدری جا رہے تھے کہ نیو چالی سگنل کے قریب پیچھے سے ٹریلر نے ٹکر مار دی۔
متاثرہ افراد نے یہ بھی بتایا ہے کہ ٹریلر میں سوار افراد حادثے کے بعد فرار ہو گئے۔
پولیس کا کہنا ہے کہ حادثے کے تمام 12 زخمیوں کو سول اسپتال لایا گیا جہاں انہیں طبی امداد دی گئی۔
تبصرہ / جواب_سے
متعلقہ_پوسٹ
نمایاں پوسٹ
تجویز کردہ خبر
مقبول خبریں