شاہین شاہ آفریدی نے ناقابل یقین کوشش کی تھی، فواد احمد
پاکستان سپر لیگ (پی ایس ایل) میں لاہور قلندرز کی نمائندگی کرنے والے آسٹریلوی کھلاڑی فواد احمد کا کہنا ہے کہ شاہین شاہ آفریدی نے گزشتہ روز کھیلے گئے میچ میں ناقابل یقین کوشش کی تھی۔
مائیکرو بلاگنگ سائٹ ٹوئٹر پر جاری پیغام میں فواد احمد نے محمد حفیظ کی تعریف کرتے ہوئے کہا کہ حفیظ نے بہترین آل راؤنڈر کارکردگی کا مظاہرہ کیا۔
انہوں نے پشاور زلمی کو جیت کی مبارک باد بھی دی۔
خیال رہے کہ گزشتہ روز پشاور زلمی اور لاہور قلندرز کے درمیان پاکستان سپر لیگ (پی ایس ایل) سیون کا 30واں میچ برابر ہوگیا تھا، میچ کا فیصلہ سپر اوور میں ہوا جسے زلمی نے جیت لیا تھا۔
لاہور قلندرز نے کپتان شاہین شاہ آفریدی کی آخری اوور میں شاندار ہارڈ ہٹنگ کی بدولت میچ برابر کیا تھا۔
ہوا کچھ یوں تھا کہ لاہور قلندرز کو آخری اوور میں جیت کے لیے 24 رنز درکار تھے، تو پہلی گیند وائیڈ ہوئی باقی اوور میں شاہین شاہ آفریدی نے 3 چھکوں اور 1 چوکے کی مدد سے 22 رنز بٹور لیے تھے اور یوں دونوں ٹیموں کا اسکور برابر ہوگیا تھا۔
لاہور قلندرز نے سپر اوور میں پشاور زلمی کو جیت کے لیے 6 رنز کا ہدف دیا تھا ،زلمی نے ٹارگٹ 2 گیندوں پر ہی حاصل کرلیا تھا۔
تبصرہ / جواب_سے
متعلقہ_پوسٹ
نمایاں پوسٹ
تجویز کردہ خبر
مقبول خبریں