معمر ایرانی نے 67 برس سے بغیر نہائے زندگی گزارنے کا عالمی ریکارڈ قائم کردیا
ایران میں ایک 87 سالہ معمر شخص جو کہ فٹ پاتھ پر زندگی گزار رہا ہے اور اس نے گزشتہ سات عشروں سے غسل نہیں کیا، سائنس دان اسکی اچھی صحت پر حیران ہیں۔
اس سے قبل 2014 میں بھی میڈیا میں آمو حاجی نامی اس بوڑھے شخص کے بارے میں لکھا جاچکا ہے اور اسے دنیا کا گندہ ترین آدمی بھی قرار دیا گیا تھا۔
اس وقت یہ شخص جنوبی ایران کے صوبہ فارس کے ایک چھوٹے سے گاؤں میں رہائش پذیر تھا اور یہ مرے ہوئے جانور اور گندہ پانی پی کر زندہ تھا۔
جبکہ یہ نہانے کے پانی سے جس قدر ممکن ہوتا دور رہا کرتا تھا کیونکہ یہ سمجھتا تھا کہ نہانے سے یہ بیمار ہوجائے گا، گو کہ یہ اس وقت بھی 80 برس کا تھا اور حفظان صحت کے بنیادی سہولتوں سے دور ہونے کے باوجود اسکی صحت قابلِ رشک تھی۔
حال ہی میں ڈاکٹروں کی ایک ٹیم نے اس کے مختلف طبی ٹیسٹ کیے جس سے یہ معلوم ہوا کہ یہ شخص حیرت انگیز طور پر کافی صحت مند ہے۔
اس سے قبل ایک بھارتی شہری کے بارے میں لکھا جاچکا ہے کہ وہ 38 برس تک نہائے بغیر رہا لیکن آمو حاجی 67 برس سے بغیر غسل کیے رہ رہا ہے اور غالباً وہ عالمی ریکارڈ کا حامل ہے۔
تبصرہ / جواب_سے
متعلقہ_پوسٹ
نمایاں پوسٹ
تجویز کردہ خبر
مقبول خبریں